GRAFÌA OFISIAŁE

ŁA ŁENGUA VENETA ŁA GA NA GRAFÌA OFISIAŁE

Ła łengua veneta da'l 2017 ła ga na só grafìa ofisiałe: ła GIVM-DECA.

Inte'l 2017, defati, ła Comision grafìa istituìa da ła Rejon Veneto inte'l 2010 ła ga aprovà come grafìa ofisiałe ła grafìa DECA (Drio El Costumar de l'Academia) co'l nome GIVM: Grafìa Intarnasionałe de'l Veneto Moderno.

Ła GIVM ła ze ła grafìa aprovà da ła Comision, che ła reconose tute łe sołusion de ła grafìa DECA: alfabeto, dìgrafi, acentasion e apostrofasion.

El veneto standard (co ła teorìa de'l Multi-Standard: Macro-standard e vari micro-standard) el vien invese da'l studio univarsitario EuroComRom: i sete tamizi (Mocellin, Klein, Stegmann, 2016) ełaborà, testà e pratega da l'Academia de ła Bona Creansa – Academia de ła Łengua Veneta.